Всего по программе 0 состоит из пункта:
2
Предложений по Указу
0
Предложений по программам реформ
0
Предложений по государственной программы
Норматив ҳуқуқий ҳужжатлар рўйхати
0
0
0
0
0
Амалий тадбирлар режаси
0
0
0
0
0
Ислоҳотлар дастури
0
0
0
0
0
ЎЗБЕКИСТОН РЕСПУБЛИКАСИ ПРЕЗИДЕНТИНИНГ ФАРМОНИ
“Маҳаллани ривожлантириш ва жамиятни юксалтириш” йилида устувор йўналишлар бўйича ислоҳотлар дастурлари ва “Ўзбекистон – 2030” стратегиясини амалга ошириш бўйича Давлат дастури тўғрисида “Ўзбекистон–2030” стратегияси ҳамда Ўзбекистон Республикаси Президентининг Олий Мажлис ва Ўзбекистон халқига Мурожаатномасида белгиланган ислоҳотлар ижросини самарали ташкил этиш мақсадида қарор қиламан:
I. 2026 йилга мўлжалланган устувор ислоҳотларни белгилаш ва уларнинг ижросини ташкил этиш чора-тадбирлари
1. Маҳаллани ривожлантириш бўйича амалга ошириладиган устувор ислоҳотларнинг асосий йўналишлари этиб қуйидагилар белгилансин:
(а) маҳаллаларда 10 мингдан зиёд ишлаб чиқариш ва хизмат кўрсатиш лойиҳаларини ишга тушириш орқали қўшимча 100 мингта янги иш ўрнини яратиш;
(б) камбағалликдан холи маҳаллалар сонини 3,5 мингтага етказиш;
(в) маҳаллалар инфратузилмасини такомиллаштиришга 20 триллион сўм маблағ йўналтириб, уларга Янги Ўзбекистон қиёфасини олиб кириш;
(г) маҳаллалардаги муаммоларни бир вақтнинг ўзида тезкор ҳал этишда барча давлат органларига масъулиятни юклаб, ижрони
7/24 режимда онлайн назорат қилиш амалиётини йўлга қўйиш.
Фикр қолдириш
2. Маҳаллалар инфратузилмасини такомиллаштириш ва уларга Янги Ўзбекистон қиёфасини олиб кириш бўйича устувор ислоҳотлар дастури (кейинги ўринларда – Маҳалладаги ислоҳотлар дастури) 1-иловага мувофиқ тасдиқлансин.
Фикр қолдириш
3. Бош вазир ўринбосарлари Ж.Қўчқоров ва А.Раматов, Ўзбекистон маҳаллалари уюшмаси раиси Қ.Қуронбоев Маҳалладаги ислоҳотлар дастури ижросини таъминлаш ва белгиланган мақсадли кўрсаткичларга эришиш учун шахсан масъул этиб белгилансин.
Фикр қолдириш
4. Иқтисодий ислоҳотларнинг асосий йўналишлари этиб қуйидагилар белгилансин:
(а) соҳа ва тармоқларни технологик ўсиш моделига ўтказиш орқали ялпи ички маҳсулот ҳажмини 2030 йилгача 240 миллиард доллардан ошириш учун зарур шароитларни яратиб, жорий йилда ялпи ички маҳсулот ҳажмини 167 миллиард долларга етказиш;
(б) иқтисодий ўсишни 6,6 фоизга етказиш, инфляция даражасини
6,5 фоизга тушириш, қишлоқ хўжалигида 4,2 фоиз ўсишни таъминлаш;
(в) 1 миллион нафар фуқарони доимий иш билан таъминлаш
ва 181 минг оилани камбағалликдан чиқариш орқали камбағаллик ҳамда ишсизлик даражасини 4,5 фоизгача тушириш;
(г) иқтисодиётга 50 миллиард доллар хорижий инвестицияларни жалб қилиш учун зарур шароитларни яратиш;
(д) хизмат кўрсатиш соҳаларида пулли хизматлар улушини
100 миллиард доллардан ошириш чораларини кўриш;
(е) қурилиш ишлари ҳажмини 11 фоизга кўпайтириб, 30 миллиард долларга етказиш ва 4 миллиард долларлик 3,5 мингдан зиёд янги хизмат кўрсатиш объектлари ишга туширилишини таъминлаш.
Фикр қолдириш
5. Иқтисодиётни технологик ва инновацион ўсиш моделига ўтказиш ҳамда ички бозорда талабни рағбатлантириш бўйича устувор ислоҳотлар дастури (кейинги ўринларда – Иқтисодий ислоҳотлар дастури) 2-иловага мувофиқ тасдиқлансин.
Фикр қолдириш
6. Бош вазир ўринбосарлари Ж.Қўчқоров ва Ж.Ходжаев, Марказий банк раиси Т.Ишметов Иқтисодий ислоҳотлар дастури ижросини таъминлаш
ва белгиланган мақсадли кўрсаткичларга эришиш учун шахсан масъул этиб белгилансин.
Фикр қолдириш
7. Касбларни ривожлантириш бўйича устувор ислоҳотларнинг асосий йўналишлари этиб қуйидагилар белгилансин:
(а) 2026/2027 ўқув йилидан бошлаб 7 та ҳудудда Илғор касбий маҳорат техникумларида “Касблар шаҳарчалари”ни ташкил этиб, улар орқали мактаб ўқувчиларини замонавий касбларга йўналтириш;
(б) 2026/2027 ўқув йилидан бошлаб техникумларда стипендия тўлаш амалиётини йўлга қўйиш;
(в) ҳудудларда 24 та малакани баҳолаш марказларини ташкил этиб, меҳнат бозорида тан олинадиган сертификат беришни жорий этиш;
(г) Германия, Швейцария, Буюк Британия, Хитой, Корея Республикаси каби давлатларнинг илғор таълим дастурлари жорий қилинган техникумлар сонини 100 тага етказиш.
Фикр қолдириш
8. Касбларни ривожлантириш ва янги меҳнат бозори архитектурасини яратиш бўйича устувор ислоҳотлар дастури (кейинги ўринларда – Касбларни ривожлантириш дастури) 3-иловага мувофиқ тасдиқлансин.
Фикр қолдириш
9. Бош вазир ўринбосари Ж.Қўчқоров, олий таълим, фан
ва инновациялар вазири К.Шарипов Касбларни ривожлантириш дастури ижросини таъминлаш ва белгиланган мақсадли кўрсаткичларга эришиш учун шахсан масъул этиб белгилансин.
Фикр қолдириш
10. Экологик мувозанатни таъминлаш ва сувдан оқилона фойдаланишни ташкил этиш бўйича ислоҳотларнинг асосий йўналишлари этиб қуйидагилар белгилансин:
(а) илғор технологияларни жорий қилиш ҳисобига 7 миллиард метр куб табиий газ иқтисод қилиш ва атмосферага 11 миллион тонна зарарли моддалар чиқишининг олди олиш;
(б) 2026/2027 ўқув йилидан бошлаб дуал таълим тизими асосида ҳар бир ҳудудда 14 та “яшил” техникумни ташкил этиш;
(в) эксплуатация муддати ўтган автомобиллар утилизациясини ташкил этиш ва унинг компонентларини қайта ишлаш амалиётини йўлга қўйиш;
(г) электромобил сотиб олишни рағбатлантириш учун аҳолига
12 ва 16 фоизли кредитлар ажратиш тартибини жорий этиш;
(е) очиқ дренаж, коллектор ва каналларни ёпиқ тизимга ўтказиш бўйича амалий тадбирларни ташкил этиш;
(ж) 503 минг гектар майдонда сув тежайдиган технологияларни жорий қилиш орқали 2,6 млрд метр куб сув иқтисод қилинишини таъминлаш;
(з) 1,3 минг километр каналлар, суғориш тармоқлари ва бошқа ирригация объектларини бетонлаштириш орқали йилига қўшимча 500 миллион метр куб сув иқтисод қилинишини таъминлаш.
Фикр қолдириш
11. Экологик мувозанатни таъминлаш ва сув ресурсларидан оқилона фойдаланишни самарали ташкил этиш бўйича устувор ислоҳотлар дастури 4-иловага мувофиқ тасдиқлансин.
Фикр қолдириш
12. Ўзбекистон Республикаси Президенти маслаҳатчиси – Экология
ва иқлим ўзгариши миллий қўмитаси раиси А.Абдуҳакимов,
Бош вазир ўринбосари Ж.Ходжаев Экологик мувозанатни таъминлаш ва сувдан оқилона фойдаланишни ташкил этиш бўйича устувор ислоҳотлар дастури ижросини таъминлаш ҳамда белгиланган мақсадли кўрсаткичларга эришиш учун шахсан масъул этиб белгилансин.
Фикр қолдириш
13. Давлат бошқаруви ва суд-ҳуқуқ тизимини такомиллаштириш бўйича ислоҳотларнинг асосий йўналишлари этиб қуйидагилар белгилансин:
(а) Олий Мажлис палаталарининг ташқи қарзни бошқариш соҳасидаги ваколатларини кенгайтириш;
(б) депутатларнинг экологик муаммолар оқибатларини юмшатиш доирасида аҳоли учун маҳаллаларда яшил боғлар, яшил жамоат паркларини ташкил этишдаги ваколатларини кенгайтириш;
(в) жамиятни юксалтиришда ва мавжуд долзарб муаммоларни ҳал этишда давлат ва фуқаролик жамиятининг бирлашган ҳолда ҳамнафас бўлиб фаолият юритишини таъминлаш;
(г) ўта оғир жиноятларга доир ишларни судда жамоатчилик вакилларидан иборат халқ вакиллари ҳайъати иштирокида кўриб чиқиш амалиётини жорий этиш;
(д) жиноят процессида мажбурлов чоралари қўлланиши устидан суд назоратини кучайтириб, тергов судьялари ваколатларини кенгайтириш;
(е) коррупция, гиёҳвандлик, аёллар ва болаларга нисбатан зўравонлик каби жамият олдида турган долзарб муаммоларга қарши курашиш бўйича самарали тизимни йўлга қўйиш.
Фикр қолдириш
14. Давлат бошқаруви ва суд-ҳуқуқ тизимини такомиллаштириш, жамиятда бирдамликни таъминлаш орқали уни юксалтириш бўйича устувор ислоҳотлар дастури (кейинги ўринларда – Давлат бошқаруви ва суд-ҳуқуқ ислоҳотлари дастури) 5-иловага мувофиқ тасдиқлансин.
Фикр қолдириш
15. Ўзбекистон Республикаси Бош вазири А.Арипов, Олий суд раиси Б.Исламов, Бош прокурор Н.Йўлдошев тегишлилигига кўра Давлат бошқаруви ва суд-ҳуқуқ ислоҳотлари дастури ижросини таъминлаш
ва белгиланган мақсадли кўрсаткичларга эришиш учун шахсан масъул этиб белгилансин.
Фикр қолдириш
16. Қуйидагилар:
(а) Ўзбекистон Республикаси Бош вазири А.Арипов ислоҳотлар дастурларида назарда тутилган ташаббусларнинг ўз вақтида, сифатли ва сўзсиз ижросини таъминлаш, бу борада вазирлик
ва идоралар фаолиятини мувофиқлаштириб, ижро ҳолатини қатъий назоратга олиш учун шахсан масъул этиб белгилансин;
(б) Қорақалпоғистон Республикаси Вазирлар Кенгаши Раиси, вилоятлар, Тошкент шаҳри ва туман (шаҳар) ҳокимларига ислоҳотлар дастурларини ҳудудлар кесимида амалга ошириш бўйича шахсий масъулият юклансин;
(б) ислоҳотлар дастурлари ижроси ва белгиланган мақсадли кўрсаткичларга эришилиши учун масъул раҳбарлар ҳар чорак якуни бўйича ислоҳотларнинг ижро ҳолати ва натижадорлиги юзасидан Ўзбекистон Республикаси Президентига ахборот бериб борсин.
Фикр қолдириш
II. “Ўзбекистон–2030” стратегиясини “Маҳаллани ривожлантириш
ва жамиятни юксалтириш” йилида амалга оширишга оид давлат дастурини бажариш ва назорат қилиш
17. “Ўзбекистон–2030” стратегиясини “Маҳаллани ривожлантириш
ва жамиятни юксалтириш йили”да амалга оширишга оид давлат дастури (кейинги ўринларда – Давлат дастури) доирасида қуйидагилар
6–16-иловаларга мувофиқ тасдиқлансин:
(а) амалий тадбирлар режаси;
(б) ишлаб чиқиладиган норматив-ҳуқуқий ҳужжатлар лойиҳалари рўйхати;
(в) стратегик норматив-ҳуқуқий ҳужжатлар лойиҳалари рўйхати.
Фикр қолдириш
18. Қуйидагилар:
(а) Адлия вазирлиги ва Ҳисоб палатаси Давлат дастури доирасида:
(i) йўналишлар бўйича амалий тадбирлар режалари бажарилиши;
(ii) мақсадли кўрсаткичларга эришилиши;
(iii) тегишли норматив-ҳуқуқий ҳужжатлар лойиҳалари ишлаб чиқилиши бўйича тизимли мониторинг юритилишини таъминласин;
(б) Стратегик ривожланиш ва ислоҳотлар агентлиги 2026 йилда ишлаб чиқиладиган стратегик ислоҳотларни назарда тутувчи норматив-ҳуқуқий ҳужжатлар лойиҳалари рўйхатида белгиланган норматив-ҳуқуқий ҳужжатлар лойиҳаларини ишлаб чиқиш ва келишиш жараёнларини мувофиқлаштириб борсин;
(в) “Тараққиёт стратегияси” маркази ва “Юксалиш” ҳаракати Давлат дастурининг амалга оширилишини, шу жумладан:
(i) жойларга чиқиб, жамоатчилик фикрини инобатга олган ҳолда танқидий ўрганиб борсин;
(ii) натижалари бўйича ҳар ойда Адлия вазирлиги, Ҳисоб палатаси ҳамда Стратегик ривожланиш ва ислоҳотлар агентлигига ахборот киритиб борсин;
(г) давлат ҳокимияти органлари, вазирлик ва идоралар, маҳаллий ижро ҳокимият органлари “Тараққиёт стратегияси” маркази
ва “Юксалиш” ҳаракатининг Давлат дастури ижросини ўрганиб бориш бўйича фаолиятига ҳар томонлама кўмаклашиб борсин.
Фикр қолдириш
19. Вазирлар Маҳкамаси:
(а) ҳар ой якуни бўйича Давлат дастури ижроси юзасидан маълумотларни умумлаштириб, Ўзбекистон Республикаси Президенти Администрациясига киритиб борсин;
(б) ҳар чорак якуни бўйича Давлат дастурида юклатилган вазифаларнинг ўз вақтида ва сифатли бажарилишини Вазирлар Маҳкамасининг Раёсати йиғилишида муҳокама қилиб борсин;
(в) ҳар ярим йилда Давлат дастури ижроси юзасидан ҳисоботларни Олий Мажлис Қонунчилик палатасига киритиб борсин.
Фикр қолдириш
20. Ўзбекистон Миллий телерадиокомпанияси, Ўзбекистон Миллий ахборот агентлиги ва Оммавий ахборот воситалари учун контент тайёрлаш маркази оммавий ахборот воситалари билан биргаликда мунтазам равишда:
(а) Давлат дастурини амалга ошириш натижалари оммавий ахборот воситаларида, шу жумладан, интернет ва ижтимоий тармоқларда кенг шарҳлаб борилишини ҳамда унинг мазмун-моҳияти жамоатчиликка тушунтирилишини;
(б) Давлат дастури доирасида амалга оширилаётган барча тадбирларнинг бориши ва натижалари тўғрисидаги холис ва тўлиқ маълумотлар аҳолига тезкорлик билан етказилишини таъминласин.
Фикр қолдириш
21. Мазкур Фармон ижросини самарали ташкил қилишга масъул
ва шахсий жавобгар этиб вазирлик ва идоралар раҳбарлари, Қорақалпоғистон Республикаси Вазирлар Кенгаши Раиси, вилоятлар
ва Тошкент шаҳри ҳокимлари белгилансин.
Фикр қолдириш
22. Мазкур Фармон ижросини мунтазам равишда муҳокама қилиб бориш, ижро учун масъул ташкилотлар фаолиятини мувофиқлаштириш
ва назорат қилиш “Ўзбекистон – 2030” стратегиясини амалга ошириш бўйича республика комиссияси зиммасига юклансин.
Фикр қолдириш
23. Амалга оширилган чора-тадбирлар тўғрисида ҳар чоракда Ўзбекистон Республикаси Президентига ахборот киритиб борилсин.
Ўзбекистон Республикаси
Президенти
Ш.Мирзиёев
Фикр қолдириш