III. “Ўзбекистон – 2030” стратегияси амалга оширилиши мониторингини ташкил этиш

4. Шундай тартиб ўрнатилсинки, унга мувофиқ:

(а) “Ўзбекистон – 2030” стратегиясининг тўлиқ, ўз вақтида ва сифатли амалга оширилишини ташкил этиш, ушбу жараёнда масъул вазирлик ва идоралар, маҳаллий ижро этувчи ҳокимият органлари ва хўжалик бирлашмаларининг фаолиятини мувофиқлаштириш Республика комиссиясига юкланади;

(б) “Ўзбекистон – 2030” стратегияси амалга оширилиши устидан назорат қуйидаги тартибда амалга оширилади:

(i) Адлия вазирлиги Ҳисоб палатаси билан биргаликда

“Ўзбекистон – 2030” стратегияси мақсадларининг самарадорлик кўрсаткичларига эришиш доирасида норматив-ҳуқуқий ҳужжатлар лойиҳалари ва бошқа чора-тадбирлар дастурлари

ўз вақтида ва сифатли ишлаб чиқилишини назорат қилади;

(ii) Стратегик ривожланиш ва ислоҳотлар агентлиги (кейинги ўринларда – Агентлик) “Тараққиёт стратегияси” маркази

ва “Юксалиш” ҳаракати билан биргаликда “Ўзбекистон – 2030” стратегияси мақсадларининг самарадорлик кўрсаткичларига эришилиши мониторингини юритади;

(iii) Республика комиссияси “Ўзбекистон – 2030” стратегиясида доирасида белгиланган вазифаларнинг амалга оширилишида юзага келаётган муаммоларни тезкорлик билан ҳал қилади, заруратга кўра ушбу масалаларни Вазирлар Маҳкамаси Раёсати йиғилишларининг кун тартибига киритиб боради;

(iv) Вазирлар Маҳкамаси “Ўзбекистон – 2030” стратегияси амалга оширилишини ҳар ойда Бош вазир ўринбосарлари иштирокида танқидий кўриб чиқилишини таъминлайди ҳамда ҳар чоракда Ҳукумат мажлисларида муҳокама қилиб боради. Бунда “Ўзбекистон – 2030” стратегияси мақсадларининг самарадорлик кўрсаткичларига эришмаган Ҳукумат аъзолари, вазирлик ва идоралар, маҳаллий ижро этувчи ҳокимият органлари ва хўжалик бирлашмалари раҳбарларига нисбатан тегишли чоралар кўради.

Barcha kelib tushgan takliflar soni 2380 ta

419

1961

Barcha kelib tushgan takliflar soni 2380 ta

419

1961